Հանդիսանալով Հայաստանի Հանրապետության ազգային,  մասնագիտական  կրթական համակարգի  մասնիկ, Քոլեջը

• ապահովում է որակյալ գյուղատնտեսական մասնագետների պատրաստումը՝  տնտեսության ու աշխատաշուկայի հարափոփոխ պահանջներին համապատասխան,
• ապահովում է կրթական ծառայությունների ճկունությունը աշխատաշուկայի փոփոխությունների նկատմամբ,
• նպաստում է անհատի մտավոր,  քաղաքացիական ու բարոյական որակների ձևավորմանը,
• ապահովում է անհատի ձգտումներին-ընդունակություններին համապատասխան կրթություն ստանալու հավասար մատչելիությունը,
• ապահովում է ֆինանսավորման  այլընտրանքային հնարավորություններ՝ վճարովի կրթական ծառայությունների մատուցման, ձեռնարկատիրական և այլ գործունեության  միջոցով, իր կանոնադրության շրջանակներում:

 Քոլեջի հեռահար նպատակն է.

• Ազգային ընդհանուր շահերի գերակայության ապահովում ագրարային կրթության ոլորտում, կրթական ծրագրերի համապատասխանեցում երկրի սոցիալ-տնտեսական զարգացման պահանջներին,
• Աշխատաշուկայի հարափոփոխ պահանջներին համապատասխան ուսանողների գիտելիքների, հմտությունների և կարողությունների ձևավորմանը նպաստող կրթական միջավայրի ստեղծում, սոցիալական գործընկերների հետ համագործակցության ապահովում
• Միջին մասնագիտական և նախնական մասնագիտական/ արհեստագործական  կրթության արդյունավետության բարձրացում, որակի ապահովում
•  Հասարակության առաջ գործունեության հաշվետվողականության, հրապարակայնության և թափանցիկության  ապահովում
• Կրթության որակի, կրթական չափանիշների, չափորոշիչների և մակարդակի պահպանում ու զարգացում, ժամանակակից պահանջներին համահունչ կրթության բովանդակության անընդհատ համալրում, քոլեջում որակի մշակույթի ձևավորում
• Կրթության մատչելիության, հավասարության լայն ապահովում

• Կրթության բովանդակության միջազգային չափանիշներին համադրելիության ապահովում

• Սեփական գործելակերպն ու որոշումները ազգային շահերին համապատասխանեցնելու ընդունակ քաղաքացիների պատրաստումը` կրթության զարգացման պետական ռազմավարության շրջանակներում
• Գիտելիքների և առաջավոր տեղեկատվական տեխնոլոգիաների տարածման խթանում բնակչության շրջանում, շուկայական ենթակառուցվածքների ինովացիոն և կրեատիվ գործունեության ձևավորում
•  Ուսանողակենտրոն կրթական միջավայրի ձևավորում քոլեջում, ապագա մասնագետի համակողմանի զարգացում՝ աշխատանքի նկատմամբ պատասխանատվությամբ, սոցիալական ակտիվությամբ, քաղաքացիական ինքնագիտակցությամբ և հայրենասիրությամբ: